برنامج اّله حاسبه ( الدرس الثاني )

+
----
-
بسم الله الرحمن الرحيم

اهلا
بيكم في ثاني درس من البرمجه بالفيجوال وهيكون عباره عن تصميم اّله حاسبه
بسيطه تقدر تجمع - تضرب - تطرح - تقسم الارقام العمليات الحسابيه الاساسيه بمعني أصح وهيكون الشرح ان شاء الله علي فيجوال بيسك 2005 visual basic 2005 والبرنامج سهل في البرمجه وواضح وكله مشروح بالصور

الاول يرجي الرجوع للدرس الاول لأن فيه حاجات هتحتاجها في الموضوع هنا انا ذاكرها هناك للذهاب للدرس الاول من هنا

نبدأ بأول صوره نفتح الفيجوال بالطريقه دي ونختار كريت بروجكت " مشروع جديد "
[ندعوك للتسجيل في المنتدى أو التعريف بنفسك لمعاينة هذا الرابط]

هنكتب اسم المشروع وندوس اوك
[ندعوك للتسجيل في المنتدى أو التعريف بنفسك لمعاينة هذا الرابط]
هنغير اسم الفورم من الخاصيه المتوضحه في الصوره وهي ال text ونكتب زي الصوره السابقه

هنخلي شكل الفورم كالتالي الا وهو

اضافه TextBox عدد ثلاثة صناديق نص
واحد صندوق مجموعات groupbox
4 ازرار راديو بوتون وندخلهم في الجروب بوكس كما الشكل


عدد 3 ليبلات كما الشكل

[ندعوك للتسجيل في المنتدى أو التعريف بنفسك لمعاينة هذا الرابط]
نشرح الارقام الموجوده في الصوره السابقه

رقم 1 : التيكست بوكس واللي هيتم كتابه الرقم الاول فيه

رقم 2 : الراديو بوتون وهو زر المعالجه او العمليه اللي هنقوم بيها ونقدر نختار من ضرب او طرح او قسمه او جمع

رقم 3 : الجروب بوكس واللي غيرنا خاصيه التيكست الخاصه به الي المعاملات

رقم 4 : الليبل



قم بضبط الخصائص كالتالي:

لليبلات نحدد الليبل ونختار من الخصائص كلمه text ونعدلها بالترتيب:
للأول "الرقم الأول"، وللثاني "الرقم الثاني"، وللثالث "النتيجة"


لصندوق المجموعات نحدده ونختار خاصيه ال text ونخليها المعاملات





لأزرار الراديو كالتالي نختار من الخصائص كلمه text ونعدلها بالترتيب: الأول "الجمع"، الثاني "الطرح"، الثالث"الضرب"، الرابع "القسمة". بعد التصميم وتعديل الخصائص سيكون الفورم مثل الشكل السابق



الأن انتيهنا من مرحله التصميم اي قطعنا نصف المسافه للانتهاء من البرنامج ..



باقي مرحله الاكواد وللتعرف عليها ارجع للدرس الاول من هنا

وسيتم التكلم عنها في درس قادم خاص بها ان شاء الله



الأن نضغط دابل كليك علي الراديو بوتون المسمي الجمع لنذهب الي منطقه الكود الخاصه به ونكتب الكود ده

Dim x, y As Double
x = TextBox1.Text
y = TextBox2.Text
TextBox3.Text = x + y



تابع الصوره

[ندعوك للتسجيل في المنتدى أو التعريف بنفسك لمعاينة هذا الرابط]
نشرح الكود اللي كتبناه

السطر ده
Dim x, y As Double
احنا عرفنا متغيرين , يعني ايه متغيرين هقولك يعني زي س ص في الرياضه وبنمهد للبرنامج اننا هنكتب المتغيرين دول = ايه ف الفورم ال صممناه
السطر ده
x = TextBox1.Text
بنقول للبرنامج اننا عرفنا المتغير x ب انه = التيكست بوكس 1 اللي هوا الرقم الاول

السطر ده
y = TextBox2.Text
بنقول للبرنامج اننا عرفنا المتغير y ب انه = التيكست بوكس 2 اللي هوا الرقم الثاني في الفورم

السطر ده
TextBox3.Text = x + y


بنقول للبرنامج ان التيكست بوكس 3 اللي هو النتيجه = القيمه الموجوده في التيكست بوكس1 + التيكست بوكس2


بعد كدا دابل كليك علي زرار الطرح ونكتب الكود التالي
Dim x, y As Double
x = TextBox1.Text
y = TextBox2.Text
TextBox3.Text = x - y

والكود ده لزرار الضرب
Dim x, y As Double
x = TextBox1.Text
y = TextBox2.Text
TextBox3.Text = x * y

والكود ده لزرار القسمه

Dim x, y As Double
x = TextBox1.Text
y = TextBox2.Text
TextBox3.Text = x / y






كدا انتهينا من وضع الاكواد والبرنامج جاهز للتشغيل نضغط علي F5 في الكيبورد عشان نشغله هيشتغل معانا بالشكل الجاي ده ونقدر نجربه

[ندعوك للتسجيل في المنتدى أو التعريف بنفسك لمعاينة هذا الرابط]


طبعا ده مش مقياس انك تعمل شكل الاله حاسبه نفس الشكل اللي انا عامله ولكن كل واحد وابداعه وذوقه



فكره البرنامج سهله وبسيطه ويارب تكونو استفدتم وأي استفسارات او طلبات يرجي وضعها في التعليق بدون الخروج عن صلب الموضوع


لتحميل الصور والاكواد لأصحاب النت البطئ اضغط

[ندعوك للتسجيل في المنتدى أو التعريف بنفسك لمعاينة هذا الرابط]